समाचार :
निर्मला पन्त को बलात्कारपछि हत्या भएको घटनाले नेपालभर ठूलो आक्रोश र न्यायको माग सिर्जना गरेको थियो। २०७५ सालमा कञ्चनपुर मा भएको यो घटनाको अनुसन्धानका लागि विभिन्न समिति तथा अनुसन्धान टोली गठन गरिए पनि हालसम्म वास्तविक दोषी पहिचान गरी कानुनी कारबाहीको अन्तिम निष्कर्षमा पुग्न सकिएको छैन !
घटनापछि पटक–पटक अनुसन्धानको दिशा परिवर्तन भएको, प्रमाण संकलन तथा अनुसन्धान प्रक्रियामा कमजोरी देखिएको आरोपसमेत लाग्दै आएको छ। यसै कारण यो प्रकरण नेपालका सबैभन्दा चर्चित र जटिल अपराध अनुसन्धानमध्ये एकको रूपमा हेरिएको छ।
यसैबीच, नेपालका गृहमन्त्री Sudan Gurung ले विगतका अधुरा तथा चर्चित आपराधिक घटनाका फाइलहरू पुनः खोल्ने नीति लिएको बताएका छन्। उनले निर्मला पन्त प्रकरणमा समेत सूक्ष्म र गहिरो अनुसन्धान भइरहेको तथा आवश्यक परे थप अनुसन्धान प्रक्रिया अगाडि बढाइने संकेत दिएका छन्।
गृहमन्त्री गुरुङको पछिल्लो अभिव्यक्तिपछि निर्मला पन्तका परिवार, मानवअधिकारकर्मी तथा सर्वसाधारणमा न्याय प्राप्त हुने आशा पुनः जागेको छ। करिब आठ वर्ष बितिसक्दा पनि दोषी सार्वजनिक हुन नसक्दा राज्यका अनुसन्धान निकायमाथि प्रश्न उठिरहेका बेला सरकारले यो प्रकरणलाई प्राथमिकताका साथ अघि बढाउने अपेक्षा गरिएको छ।
निर्मला पन्त प्रकरण केवल एउटा आपराधिक घटना मात्र नभई नेपालमा न्याय प्रणालीको विश्वसनीयता र राज्यको जवाफदेहितासँग जोडिएको विषय बनेको छ। अबको अनुसन्धानले सत्य तथ्य बाहिर ल्याई दोषीलाई कानुनी कठघरामा उभ्याउन सक्छ वा सक्दैन भन्ने विषयलाई देशभर चासोका साथ हेरिएको छ।
Add a Comment
