समाचार :
भौतिक पूर्वाधार तथा यातायात मन्त्री सुनिल लम्साल पुनः आफ्नो अभिव्यक्तिका कारण चर्चा र विवादको केन्द्रमा आएका छन्। यसअघि सडक आयोजनाको अनुगमनका क्रममा काम नगर्ने ठेकेदारको ‘खुट्टा भाँचिदिने’ जस्ता कडा टिप्पणीले आलोचना खेपेका मन्त्री लम्सालले अहिले काम नगर्ने मन्त्रीहरूलाई समेत ‘थुन्ने’ चेतावनी दिएको भनाइ सार्वजनिक भएपछि राजनीतिक वृत्तमा नयाँ बहस सुरु भएको छ।सामाजिक सञ्जालमा मन्त्री लम्सालको अभिव्यक्तिलाई लिएर मिश्रित प्रतिक्रिया देखिएको छ। केहीले भ्रष्टाचार र ढिलासुस्ती अन्त्य गर्न कडा कदम आवश्यक रहेको बताएका छन् भने अर्कोतर्फ आलोचकहरूले सार्वजनिक पदमा रहेका व्यक्तिले कानुनी प्रक्रिया र संयमित भाषाको प्रयोग गर्नुपर्ने बताएका छन्।राजनीतिक विश्लेषकहरूका अनुसार सरकारका जिम्मेवार पदाधिकारीका अभिव्यक्तिले शासन प्रणाली र कानुनी राज्यप्रतिको जनविश्वासमा प्रभाव पार्ने भएकाले यस्ता विषयमा स्पष्टता र जिम्मेवारी आवश्यक हुन्छ।
